OMUHAVU

ENGOKO NA NYAKABWA

Engoko na Nyakabwa bali bwira nakulusha, bakazagi lira haguma, kusharha haguma, bagera naha bakazi lyama haguma. Obwira bwabo bwagendekera ntyo.

Lusiku luguma, mwaliwabo nyakaqbwa arhumira nyakabwa entumwa, mpu ajimulambagirira, nyakabwa apang’olugenzin ; abwira mwira wage wangoko amuherekeze. Bahik’olusiku bawanz’olugenzi. Bazuk’esezisezi bagenda, bahikire omunjira, wangoko abwira nyakabwa okw’aji chisula, ajire chisula kusiga abugur’engulube yafirire omulubala, ayi ikalako awanza ilya yeni nabo balin’owabo bana shalikire boshi. Nyakabwa achidosa « owerhu bamulirire omulubala, erhi gurhe byamuberere, arhenji oku’ebisanzi ebyagerasi, n’eshali lyalonzi nyirha arhayinja rukagenda ?»

Kasanzi kageke, nyakabwa abon’owabo ayinja, amudosa muzawe gurhe walegamire ntyo ? wangoko amubwira nti muzawe amashu gabwiraga ganyirha, ntabulire nkegaro lyamashu nashubere mulula lubala. Bagendekeza olugenzi lwabo. Baluha bahika emwa mwaliwabo Nyakabwa, abarhegulira ebyokulya. Bahikire okubisanzi byokulya, nyakabwa ajibwira mwaliwabo hano ayuhula, akahir’enyama enyanya n’omucheri eshishi. Ebilyo byahikire okumeza, wangoko abona nyama zonene, n’obo abaga alire enyama zinene ewakuchisula omunjira, alahira mpu’arhalya. Nyakabwa alya yenine amala. Ebisanzi byokugaluka byayenera bagaluka ; bagerere omunjira Nyakabwa abwira wangoko mp’oyinjisi, wahezeze binene bwana, walahiragalya, aliko omucheri gwaliri eshishi wazilala nyama ; wangoko naye abwira Nyakabwa mpu hebe nawe oyinjisi, elasa najaga chisula omulubala namashima engulube yafiriremo namalya kukulaho, chechana rhumaga nalegama ntanalire emwa mwaliwenyu bunola enyama zabaga zampihikire.

Kurhengera agomango obwira bwabo bwahwa ; nakugera buno okola kwarhumire Nyakabwa ngasi kulambagira anahek’ezulu olunda n’olwindi, n’okuj’omulubala naye akanabugula engulube efiriremo. Na wangoko arhabera aharha kalaguza akanagera kugula mucheri babishag’eshishi wenyama.

Kurhengera agomango obwira bwabo bwahwa ; nakugera buno okola kwarhumire Nyakabwa ngasi kulambagira anahek’ezulu olunda n’olwindi, n’okuj’omulubala naye akanabugula engulube efiriremo. Na wangoko arhabera aharha kalaguza akanagera kugula mucheri babishag’eshishi wenyama.

Rhulek’obudambi n’obulyalya n’okugalula amabi okugandi

MWAMI MUBI N’EMBWA ZAGE

Haliri mwami muguma, alirrhungire embwa ekumi zelubala. Akazagi zikolesa kuirha n’okulya abambali bage barhayunvaga ebyaderhere. Lusiku luguma, muguma omubakozi bage, amuhanula nelyo hano mwami alirhola nkagosa bunola mpu omukozi arhakwanene ahanule nawabo. Mwami aderha bamukabulire ezola mbwa zage zimulye. Oyola mukozi abwira mwami : «waliha nakuno, nakukolere myak’ekumi ene wamabona ok’onanyirhage ?,ombabalire wekalamawe omp’esiku ekumi z’okulama kisha onkabulire ezilambwa ». Mwami ayemera amuha zindisiku ekumi.

Oyola mukozi ajibwira abalinzi bezola mbwa bamuhe oruhusa akazi zilerhera ebilyo n’okuzi rhindira mwezo siku ekumi, abola balinzi baderha mpu ntachibazo. Akazi zilerhera ebilyo, amenji, okuziyoza n’okuzirhindira. Esiku ekumi ahemaga zayenera, byahema okubaleke ezolambwa olusiku loshi buzira kulya, egolo Mwami ahamagala abambali bage boshi bayinje balole echakolera oyola mukozi wage bakakazi. Abambali bage barha somerwaga bunola baliyinji oku kwanajira.

Mwami aderha bamukabule umulupango lwezola mbwa, aliko boshi basomerwa bwenen’okubona embwa zalema zamukomba konine zirhamulyaga n’obo zalishalikire bwenene. Mwami achidosa gurhe embwa zage zabere abula. Oyola mukozi wage aderha nti « nakolere ezilambwa ziku ekumi zonine, zirhana ibagire agola menja gani, aliko waliha nakukolere myaka ekumi yoshi nazene wayibagire byoshi binja nakukolere ejuya gosa liguma najirire. Mwami ebona okobukweri aherhe amagosa akul’emiziga, kisha aderha bamukule molola lupango lw’embwa.

Okuboshi bajira engeso z’okuyibagira amenja babajirire n’kabama bagoseza : bameny’oku embwa ebalushire buno yowe erhayibagira owayikolerhe amenja.

Amabi galiguma garharhumaga wayibagira amenja bakujirire